OTAQ

SEÇ

Applikasiyalar



PROSEDURUN TƏSVİRİ

Sanitariya-kurort müalicəsi üzrə ən çox yayılmış prosedurlardan biri palçıq applikasiyalarıdır ki, onlar oynaqların, dermatoloji və damar xəstəliklərinin müalicəsi zamanı aktiv şəkildə tətbiq edilir.

PROSEDURUN KEÇİRİLMƏ QAYDASI

İstilik applikasiyaları aşağı istilik keçiriciliyi ilə yüksək istilik tutumuna malik maddələrlə həyata keçirilir. Quru istilik mənbələrindən (duz, qum) başqa, tez-tez peloidlər (palçıqlar) və peloidəbənzər maddələr (parafin, ozokerit, gil) də istifadə olunur. Applikasiyalarda bu maddələrin istifadə olunması qanın zədələnmiş yerə axıb gəlməsinə səbəb olur, mübadilə reaksiyalarını stimullaşdırır, habelə, yüngül ağrıkəsici effektə malikdir. Davam etdiyi müddət: 10-20 dəq., dövriliyi: 1-2 gündən bir

GÖSTƏRİŞLƏR

  • sinir sistemi xəstəlikləri (nevritlər, radikulitlər və nevralgiyalar);
  • dayaq-hərəkət aparatı xəstəlikləri (artrit və artroz);
  • həzm orqanları xəstəlikləri (xora xəstəliyi, qastrit, kolit, hepatit və s.);
  • uroloji və ginekoloji xəstəliklər;
  • tənəffüs orqanları xəstəlikləri (astma və bronxit);
  • LOR xəstəlikləri.

ƏKS GÖSTƏRİŞLƏR

  • kəskinləşmə mərhələsində olan iltihablı xəstəliklər;
  • bəzi ürək-damar sistemi xəstəlikləri (hipertoniya xəstəliyi, ürək qüsuru);
  • tənəffüs çatışmazlığı;
  • bədxassəli şişlərin olması;
  • qanaxmaya meyllik.

PROSEDURUN NƏTİCƏLƏRİ

Fizioterapevtik prosedur olaraq, palçıq applikasiyası əzələ toxumalarının və oynaqların dərindən isinməsini təmin edir, damar genişləndirici təsir göstərir, yerli qan dövranını aktivləşdirir, mübadilə proseslərini, toxumaların qidalanmasını yaxşılaşdırır, bərpa proseslərini sürətləndirir.

REZERV ETMƏK