Fizioterapiya-Karboksiterapiya
PROSEDURUN TƏSVİRİ
Karboksitreapiya ağrıkəsmə, spazmların aradan qaldırılması və regenerasiya proseslərinin stimullaşdırılması üçün karbon qazının tətbiq edilməsini nəzərdə tutan inyeksiya prosedurudur. Karbon qazı ağrı hisslərini aradan qaldırır, yerli adaptasiya mexanizmlərinin işə düşməsinə səbəb olur və əzələ liflərinin dərindən rahatlanmasını təmin edir.
PROSEDURUN KEÇİRİLMƏ QAYDASI
Prosedur zamanı yüksək təmizlik dərəcəsinə malik xüsusi qaz verilir. İnyeksiya zamanı pasiyent sancmalar, təzyiq və yandırma hissi keçirir. Bu hisslər bir neçə dəqiqədən sonra keçir. Prosedur tamamilə təhlükəsizdir, tək ağırlaşma göyərmədən ibarət ola bilər. Prosedurun davam etdiyi müddət emal olunan nahiyədən asılıdır və, adətən, 30 dəqiqədən çox çəkmir. Kurs həftədə 1-2 dəfə tezliyi ilə 6-12 prosedurdan ibarətdir.
GÖSTƏRİŞLƏR
- Revmatoloji xəstəliklər
- Artrozlar, fəqərəarası yırtıqlar, osteoxondrozlar
- Onurğa sütununda ağrı sindromları
- Fəqərəarası disklərin distrofik dəyişiklikləri
- Onurğa beyni funksiyasının pozulması, vestibulyar pozuntular
- Beyin qan dövranının kifayət qədər olmaması ilə bağlı nevrotik pozuntular
- Dayaq-hərəkət aparatının degenerativ xəstəlikləri (POA, spondiloartroz) zamanı xroniki ağrı sindromu, travma və cərrahi müdaxilələrdən sonra reabilitasiya
- Dəri xəstəlikləri: psoriaz, allopesiya, aknedən sonra qalan yara yerləri
ƏKS GÖSTƏRİŞLƏR
- Miokard infarktı və stenokardiya
- Ürək, tənəffüs və böyrək çatışmazlığı
- Hipertoniya
- Kəskinəşmə mərhələsində olan tromboflebit və ya qanqrena
- Təsir zonasındakı dəri üzərində infeksiya
- Epilepsiya
- Hamiləlik
PROSEDURUN NƏTİCƏLƏRİ
Karboksiterapiya, karbon qazının su molekulları ilə aktiv qarşılıqlı əlaqəsi və, nəticədə, çoxlu miqdarda karbon qazının əmələ gəlməsi sayəsində orqanizmdə bir sıra kimyəvi reaksiyanı işə salır. Bu, maddələr mübadiləsinin sürətlənməsinə, habelə, qan dövranı və limfa axınının aktivləşməsinə gətirib çıxarır. Bu isə, öz növbəsində, toxumaların intensiv şəkildə yenilənməsi və oradan toksik maddələrin və şlakların çıxarılması ilə nəticələnir.
